Oor die HOOP Projek
Die Universiteit Stellenbosch se HOOP Projek skep volhoubare oplossings vir van Suid-Afrika en Afrika se grootste uitdagings.
Die Projek is geanker in sy drie kernfunksies – onderrig en leer, navorsing en gemeenskapsinteraksie – en sy akademiese inisiatiewe stel die wetenskap tot diens van die samelewing.
Wetenskap vir ’n beter wêreld
Met sy multi-dissiplinëre aanslag wat in die wetenskap gewortel is, maak die HOOP Projek uitnemende navorsing oor plaaslike, streeks- en Afrika-uitdagings moontlik, en dit bied van Afrika se beste geleenthede vir leer en die ontwikkeling van ’n nuwe generasie denkleiers. Die akademiese inisiatiewe is gegroepeer in vyf fokusareas (skakels hier onder) wat aansluit by die internasionale ontwikkelingsagenda.